હજુ રાત વિરહની વીતી નહોતી
ને, હંમેશ માટે વિદાય આપી
એ ક્યાં ચાલ્યાં ગયાં છે?
અજાણે કોઇ દર્દ દિલની દેતાં ગયાં
કોઇ તો જણાવો મને, કે
એ ક્યાં ચલ્યા ગયાં છે?
જીંદગીભર તડપતા રહેશે ‘જીનું’
યાદોના એવા ઢગલા કરી
એ ક્યાં ચાલ્યા ગયાં છે?
તમે જ કહો એ ચાંદ-તારો
મારી આ જીંદગી બદલીને
એ ક્યાં ચાલ્યા ગયાં છે?
દોસ્ત બની કેવી દોસ્તી નિભાવી
દોસ્તને અધરસ્તે રઝળતો મુકી
એ ક્યાં ચાલ્યાં ગયાં છે?
જીનુંને હતી ઝંખના બસ
એક લાગણીભર્યા અહેસાસની
દુખનો આ સાગર હાથમાં થમાવી
એ ક્યાં ચાલ્યાં ગયાં છે?
No comments:
Post a Comment