ખુશ રહેજે

હવે, લાખ બોલાવુ તને તથ્ય નથી,

કે, તુજથી મેળાપ મારો શક્ય નથી,

વીતેલી વાતોને યાદ તુ કરતી રહેજે.

ગુલશન લુંટાયો છે કેશુડાના ચાળે,

વિખરાયેલાં ફુલોમાંથી એ ખુશ્બુ નહી મળે,

નવા મૌસમને સ્વાસમાં તુ ભરતી રહેજે.

           

ના મળી મને દુનિયાની કોઇ ખુશી,

આ હોઠ ના જાણે કેવી હોય હસીં,

તેમ છતાં તુ સદા હસતી રહેજે.

મારા ભાગ્યને મારી સાથે વેર છે,

મનમાં પણ લાગણીઓનું ઝેર છે,

મુજથી તુ દુર જરા ખસતી રહેજે.

આ જીંદગી મારી એળે ગઇ,

મારી મોત મારી મેળે ગઇ,

પણ, તુ સદા ખુશ રહેજે.