શબ્દો ઓછા પડ્યા

કાગળથી કાગળ જેમ છુટા પડ્યા

તારી સંગ જોયેલાં એ સપનાં જુઠાં પડ્યાં

એક તો કાગળ સીધો અમે મુક્યો નહોતો

ને તારી સહિ-સિક્કો બેઉ ઉંધા પડ્યા

પહેલી મુલાકાતે કરી હતી જ્યાં વાત દિલની

એજ રસ્તે અમે આજ વિખુટા પડ્યાં

જાણું છું દોસ્ત એમાં વાંક તારો નથી

ઇતો પ્રેમમાં અમે જ જરા ભાંઠા પડ્યા.

કદાચ, સજી ઢજીને આવ્યા હતા દુશ્મનો

યા અમારા જ હથિયાર થોડાં બુઠાં પડ્યાં

લખવા ગયો તમારા વિશે તો એવું બન્યું, કે

ક્યાંક શાહી ખુટી ને ક્યાંક શબ્દો ઓછા પડ્યા.